لاتعتذر ذي غلطتي ليش حبيتك
الله ولاحب على الذل يحداني
خيبت ظني فيك ياما ترجيتك
حطمت قلبي حسبك الله يالجاني
احسبك لامن جيت تفرش لنا بيتك
واليوم اشوفك صار همك تحداني
ياما احتملت اللوم دونك وداريتك
حتى خطاك ارفاه واسترك برداني
رفعت عند الناس لجل الهوى صيتك
خلدت يالمغمور ذكرك بالالحاني
كم غالي ضحيت برضاه وارضيتك
وسهرت لك ترتا في نومك الهاني
ومنين مالقيت وجهي تمنيتك
واحسبك مثلي في غيابي تمناني
وانا احمد الله بان عيبك وخليتك
وطيت حبك بالقدم قبل ياطاني